نیوز ڈیسک
اننت ناگ/ / جنوبی کشمیر کے اننت ناگ ضلع کے کوکر ناگ کے وٹنار علاقے میں سنیچر کی دوپہر ایک مسلح تصادم کا آغاز ہوا ہے۔
ایک پولیس ترجمان نے کہا، “انکاؤنٹراننت ناگ ضلع کے کوکرناگ علاقے وٹنار میں شروع ہوا ہے۔ پولیس اور سیکورٹی فورسز علاقے میں تعینات کر دی گئی ہیں۔ مزید تفصیلات کا انتظار ہے”۔
اس سے قبل علاقے میں جنگجو کی موجودگی کی اطلاع ملنے پر پولیس اور سیکیورٹی فورسز کی مشترکہ ٹیم نے علاقے میں محاصرہ اور تلاشی آپریشن شروع کیا۔
جیسے ہی فورسز مشتبہ علاقے میں پہنچی تو چھپے ہوئے جنگجو نے ان پر فائرنگ شروع کر دی، جس سے فائرنگ کا تبادلہ شروع ہو گیا۔
تفصیلات کے مطابق محاصرے میں آئے عسکریت پسندوں کی تعداد کا فوری طور پر پتہ نہیں چل سکا۔
