عظمیٰ نیوز سروس
سرینگر// لیفٹیننٹ گورنر منوج سنہا نے بدھ کو یہاں یدوگیری یاتھیراجا مٹھ کی ایک شاخ کا افتتاح کیا اور کہا کہ مرکزی علاقہ اپنی ثقافتی شناخت اور روحانی روایات کے احیا کا مشاہدہ کر رہا ہے جس نے ہمیشہ بقائے باہمی کے نظریات کو فروغ دیا ہے۔ شیو پورہ علاقے میں مٹھ برانچ اور سرسوتی بھندارام ڈیجیٹل لائبریری قائم کی گئی ہے۔ایل جی نے ایکس پر کہاکہ سرسوتی بھنڈرام ڈیجیٹل لائبریری اور یدوگیری یاتھیراجا مٹھ برانچ، کشمیر کا افتتاح کیا گیا۔امیت شاہ نے سری مٹھ کو اپنی نیک خواہشات کا اظہار کیا ہے اور یقین دلایا ہے کہ وہ ذاتی طور پر مٹھ کی کشمیر برانچ کا دورہ کریں گے۔شاہ نے لائبریری کا عملی طور پر افتتاح کرنا تھا، لیکن کچھ مصروفیات کی وجہ سے تقریب میں شرکت نہیں کر سکے۔
سنہا نے کہا کہ شاہ نے صبح ان سے بات کی اور کہا کہ وہ بعد میں اس کا دورہ کریں گے۔سنہا نے کہا کہ رامانوجچاریہ نے اپنے فلسفہ کے ذریعے محبت، امن، ہمدردی، عالمگیر بھائی چارے اور سماجی مساوات کی تبلیغ کی۔سنہا نے کہا کہ جموں و کشمیر اپنی ثقافتی شناخت اور روحانی روایات کے احیا کا مشاہدہ کر رہا ہے جس نے ہمیشہ تقریباً تمام بڑے مذاہب کے بقائے باہمی کو فروغ دیا ہے، روحانی دھاروں نے انسانیت کو جانا ہے اور دنیا کو انسانیت، فرقہ وارانہ ہم آہنگی اور امن کے نظریات دیے ہیں۔”یہ کشمیر کی تاریخ کا ایک اہم سنگ میل ہے۔ جیسا کہ کشمیر میں امن و سکون قائم ہو رہا ہے، ہماری کوشش تھی کہ ہمارے سناتھن دھرم کی تشہیر کے لیے مرکز قائم کیا جائے۔
