عظمیٰ نیوز سروس
نئی دہلی// وزیر اعظم نریندر مودی نے اتوار کو بی جے پی کا لوک سبھا منشور جاری کیا جس میں غریبوں، نوجوانوں، کسانوں اور خواتین پر خصوصی توجہ دی گئی ہے، اور زور دیا کہ پوری اکثریت کے ساتھ ایک مستحکم حکومت کی ضرورت ہے جب دنیا غیر یقینی دور سے گزر رہا تھا۔وزیر اعظم نے منشور کی کاپیاں چار وسیع گروپوں( غریب، نوجوانوں، اننا دتا اور ناری شکتی )،جو سرکاری اسکیموں سے مستفید ہیں، کے نمائندوں کے حوالے کی ۔مودی نے منشور کے اجرا پر کہا”پچھلے 10 برسوں میں، بی جے پی نے اپنے منشور کے ہر پہلو کو ضمانت کے طور پر لاگو کیا ہے۔ بی جے پی نے منشور کے تقدس کو بحال کیا ہے‘‘۔ وزیر اعظم نے کئی تنازعات کا حوالہ دیتے ہوئے کہا کہ دنیا جن سے دوچار ہے”ایک مستحکم اکثریتی حکومت کی ضرورت ایسے وقت میں بڑھ جاتی ہے جب دنیا غیر یقینی دور سے گزر رہی ہے،” ۔مودی نے زور دے کر کہا کہ بی جے پی ایک ملک، ایک انتخابی پہل کو نافذ کرنے کے لیے کام کرے گی، اور زور دیا کہ یکساں سول کوڈ قومی مفاد میں ہے۔مودی نے کہا کہ بی جے پی 4 جون کو نتائج کے اعلان کے فورا بعد منشور میں کئے گئے وعدوں پر کام شروع کر دے گی۔انہوں نے کہا، میں بی جے پی کے اس سنکلپ پترا کو مودی کی گارنٹی کے دستاویز کے طور پر قوم کے لوگوں کو ان کے آشیرواد کے لیے پیش کرتا ہوں۔مودی نے کہا”ہمارا عہد نامہ‘‘ وکشت بھارت کے چار مضبوط ستونوں نوجوان طاقت، خواتین کی طاقت، غریب اور کسان کو طاقت دیتا ہے ۔انہوں نے کہاکہ ہماری توجہ زندگی کے وقار، معیار زندگی اور سرمایہ کاری کے ذریعے روزگار پر ہے۔ وزیر دفاع راج ناتھ سنگھ نے کہا کہ منشور میں ان ضمانتوں کی عکاسی کی گئی ہے جو وزیر اعظم نے ملک کے لوگوں کو دی تھیں۔ سنگھ نے کہا کہ ملک بھر سے 15 لاکھ سے زیادہ تجاویز موصول ہوئی ہیں جنہیں منشور میں شامل کیا گیا ہے۔منشور میں ایک قوم، ایک انتخابی اقدام کو نافذ کرنے، عام انتخابی فہرستوں کی تیاری، ٹرین کے سفر کے لیے انتظار کی فہرستوں کو ختم کرنے، 5G نیٹ ورکس کی توسیع اور دنیا بھر میں رامائن کے تہواروں کے انعقاد کے بارے میں بات کی گئی ہے۔منشور میں کہا کہا ہے کہ وزیر اعظم غریب کلیان انا یوجنا کے تحت اگلے پانچ سالوں کے لیے غریبوں کے لیے مفت راشن، آیوشمان بھارت سکیم کے تحت غریب خاندانوں کو 5 لاکھ روپے تک کی مفت اور معیاری صحت کی خدمات،شہریت (ترمیمی ایکٹ (کا نفاذ،یکساں سول کوڈ لانا،ایک قوم، ایک الیکشن” کے اقدامات کئے جائیں گے۔وزیر اعظم سوریہ گھر مفت بجلی یوجنا کے تحت غریب گھرانوں کو مفت بجلی۔خواتین کے سیلف ہیلپ گروپس کا سروس سیکٹر کے ساتھ انضمام،سروائیکل کینسر کو ختم کرنے کے لیے اقدام شروع کرنا،ایک شفاف سرکاری بھرتی کا نظام، پیپر لیک کو روکنے کے لیے قانون کا نفاذ،بزرگ شہریوں کا احاطہ کرنے کے لیے آیوشمان بھارت یوجنا کی توسیع،* آٹورکشا، ٹیکسی، ٹرک ڈرائیوروں اور دیگر ڈرائیوروں کو تمام سوشل سیکورٹی سکیموں میں شامل کرنا،سرحدوں کے ساتھ مضبوط انفراسٹرکچر، باڑ لگانے والے حصوں پر تکنیکی حل ہندوستان کو دنیا کی تیسری سب سے بڑی معیشت بناناکو حقیقت بنانا شامل ہے۔
