عظمیٰ نیوز ڈیسک
سرینگر// پلوامہ ضلع کے اونتی پورہ علاقے میں گاڑی کی زد میں آکر ایک کمسن لڑکے کی جان چلی گئی۔ایک اہلکار نے بتایا کہ بیگ پورہ، اونتی پورہ میں ایک کمسن لڑکے کو نامعلوم گاڑی نے ٹکر مارا اور اسے شدید چوٹیں آئیں۔مذکورہ لڑکے کی شناخت فرقان مظفر (11)ولد مظفر احمد شاہ ساکن رینزی پورہ اونتی پورہ کے طور پر ہوئی ہے جسے ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔مقامی لوگوں کے مطابق فرقان شاہ خاندان کا اکلوتا بیٹا تھا۔ادھر پولیس نے اس سلسلے میں ایک کیس درج کرکے تحقیقات شروع کردی ۔