عظمیٰ نیوز ڈیسک
نئی دہلی// وزیر خزانہ نرملا سیتا رمن نے 2024-25 کے بجٹ اعلانات کے ساتھ چار کروڑ تنخواہ دار افراد اور پنشنرز کے لیے راحت کا اعلان کیا۔ذاتی انکم ٹیکس کی شرحوں پر،نئے ٹیکس نظام کا انتخاب کرنے والوں کے لیے دو اعلانات کا اعلان کیا گیا۔سب سے پہلے، تنخواہ دار ملازمین کے لیے معیاری کٹوتی 50,000 روپے سے بڑھا کر 75,000 روپے کرنے کی تجویز ہے۔اسی طرح پنشنرز کے لیے فیملی پنشن پر کٹوتی کو 15,000 روپے سے بڑھا کر 25,000 روپے کرنے کی تجویز ہے۔ وزیر خزانہ نے کہا کہ اس سے تقریبا چار کروڑ تنخواہ دار افراد اور پنشنرز کو راحت ملے گی۔نئے ٹیکس نظام میں، ٹیکس کی شرح کے ڈھانچے میں مندرجہ ذیل نظر ثانی کی جائے گی۔وزیر خزانہ نے کہا”نئے ٹیکس نظام میں تنخواہ دار ملازمین کو انکم ٹیکس میں 17,500 روپے تک کی بچت ہوگی،” ۔انہوں نے کہا کہ پچھلے مالی سال کے اب تک دستیاب اعداد و شمار کے مطابق، دو تہائی سے زیادہ افراد نے نئے ذاتی انکم ٹیکس نظام سے فائدہ اٹھایا ہے۔
آمدن
ٹیکس
0-3لاکھ
صفر
3-7لاکھ
5فیصد
7-10لاکھ
10فیصد
10-12لاکھ
15فیصد
12-15لاکھ
20فیصد
15لاکھ سے زیادہ
30فیصد