میڈرڈ/19سالہ ہسپانوی ٹینس کھلاڑی کارلوس الکاراز نے اتوار کو دفاعی چیمپئن الیگزینڈر زیویریف کو شکست دے کر میڈرڈ اوپن کا خطاب جیت کر تاریخ رقم کی۔اپنے آخری دو میچوں میں رافیل نڈال اور نوواک جوکووچ کو ہرا کر فائنل میں پہنچنے والے الکاراز نے عالمی نمبر تین زیویریو کو 6-3، 6-1 سے شکست دے کر ٹائٹل اپنے نام کیا۔الکاراز نے اس سیزن میں دو اور سال میں چار اے ٹی پی ماسٹرز 1000 ٹائٹل جیتے ہیں۔مارچ میں میامی میں فتح کے بعد 19 سالہ الکاراز دو ماسٹرز 1000 ٹائٹل جیتنے والے دوسرے کم عمر ترین کھلاڑی بن گئے ۔ رافیل نڈال نے اس سے قبل یہ ریکارڈ 18 سال کی عمر میں 2005 میں مونٹی کارلو اور روم میں جیت کر قائم کیا تھا۔اس کے ساتھ ہی الکاراز نڈال اور جوکووچ کو ایک ہی کلے کورٹ ایونٹ میں شکست دینے والے پہلے کھلاڑی بن گئے ۔الکاراز نے خطاب جیتنے کے بعد کہا، ‘‘ان کھلاڑیوں کو ہرانا اچھا لگتا ہے ۔ تاریخ کے دو بہترین کھلاڑیوں اور پھر عالمی نمبر تین زویریو کو شکست دینا بہت اچھا احساس ہے ۔ میں کہوں گا کہ یہ میری زندگی کا بہترین ہفتہ ہے ۔”انہوں نے کہامیری عمر 19 سال ہے ، جس سے مجھے لگتا ہے کہ مجھے مسلسل طویل اور مشکل میچ کھیلنے میں مدد ملتی ہے ۔ میں جسمانی طور پر بہت اچھا محسوس کر رہا ہوں۔ رافا کو یہ ٹرافی اٹھاتے ہوئے دیکھ کر مجھے اس لمحے کے لیے سخت محنت کرنے کی تحریک ملی۔ یہ میرے لیے بہت اچھا لمحہ ہے ۔ یہ پہلا ٹورنامنٹ ہے جسے میں نے دیکھا، اس لیے آج ٹرافی اٹھانا بہت جذباتی ہے ۔(یواین آئی)
