اشیائے ضروریہ کی قلت

سرینگر//کشمیر چیمبر آف کامرس اینڈ انڈسٹریزکے سینئر نائب صدرناصر حمید خان نے کل صوبائی کمشنر کشمیر بصیر احمد خان سے ملاقات کی اور انہیںبار بار سرینگر جموں شاہراہ بند رہنے اور بازاروں میں اشیائے ضروریہ کی قلت سے عام لوگوں اور خاص کر تاجر برادری کے مسائل سے آگاہ کیا ۔صوبائی کمشنر نے انہیں بتایا کہ گیس اور پیٹرول کے ٹینکر شاہراہ پر بیٹری چشمہ پٹنی ٹاپ کے نزدیک درماندہ ہیں جس کی وجہ سے یہاں ایندھن کی کمی پیدا ہوئی ۔انہوں نے کہا کہ شاہراہ پر ٹریفک بحال ہوا ہے اور جنگی بنیادوں پر اشیائے ضروریہ سے لدھے 500وادی پہنچ رہے ہیں۔ناصر حمید خان نے صوبائی کمشنر کی توجہ میوہ صنعت کی طرف دلاتے ہوئے کہا کہ شاہارہ بند ہونے کی وجہ سے میوہ سے بھرے ٹرک جموں نہیں پہنچ رہے ہیں ۔