بانہال کے لاپتہ تاجر کی لاش اُدھمپور سے بر آمد

سرینگر/بانہال علاقے میں ٹھاٹھری کے رہنے والے لاپتہ تاجر کی لاش جمعہ کو اُدھمپور ضلع سے بر آمد کی گئی ہے۔ غلام رسول وانی ساکنہ ٹھاٹھری گذشتہ کئی روز سے لاپتہ تھا اور وہ بھیڑ بکریوں کا تاجر تھا ۔ واضح رہے کہ آج بانہال قصبہ میں مذکورہ تاجر کے پُر اسرار طور لاپتہ ہونے کیخلاف احتجاجی ہڑتال کی جارہی تھی۔ اسی اثناء میں پولیس ذرائع نے کہا کہ مذکورہ تاجر کی لاش ضلع اُدھمپور سے بر آمد ہوئی ہے۔ اطلاعات کے مطابق50سالہ غلام رسول وانی ساکنہ ٹھاٹھری12جولائی سے لاپتہ تھا۔ وانی اُدھمپور کے ٹکری علاقے سے لاپتہ ہواتھا جہاں وہ بھیڑ بکریاں خریدنے گیا تھا۔  

سرینگر میں کمسن لڑکی کے ساتھ بدسلوکی کرنے والے تین افراد حراست میں: پولیس

 سرینگر/پولیس نے جمعرات کو جاری ایک بیان میں کہا کہ سرینگر پولیس نے جھیل ڈل کے اندر ایک کمسن دوشیزہ کے ساتھ غیر شائستہ حرکات انجام دینے والے تین افراد کو حراست میں لیاہے ۔ بیان کے مطابق پولیس اسٹیشن نگین کو شکایت موصول ہوئی کہ ایک کمسن دوشیزہ کے ساتھ جھیل ڈل میں حضرت بل کے نزدیک غیر شائستہ حرکات انجام دی جارہی ہیں۔  چنانچہ پولیس نے اس سلسلے میں ایف آئی آر درج کرکے تحقیقات شروع کی۔ تفتیش کے دوران پولیس نے واقعہ میں ملوث دو افراد جن کی شناخت توحید احمد میر ولد شوکت احمد میر اور احسان الحق ولد شوکت احمد یتو ساکنان صدر بل کے بطور ہوئی ہے، کی گرفتاری عمل میں لاکر انہیں سلاخوں کے پیچھے دھکیل دیا۔ پولیس کے مطابق تاہم گرفتار شدگان کا اور ایک ساتھی بلال احمد ڈار عرف کلہ ولد غلام نبی ڈار ساکنہ درگاہ رات کی تاریکی کا فائدہ اٹھا کر فرار ہوگیا۔ البتہ پیشہ وارانہ صلاحیتوں کو بر

گاندربل میں نشہ آور ادویات سمیت ایک شخص گرفتار :پولیس

سرینگر/پولیس کی طرف سے جاری ایک بیان میں جمعرات کو بتایا گیا ہے کہ گاندربل پولیس نے واری پورہ صفا پورہ کے نزدیک ناکہ چیکنگ کے دوران محمد ابراہیم بٹ ولد محمد رمضان بٹ ساکنہ واری پورہ صفا پورہ کو روک کر اس کی تلاشی لی جس دوران اس کے قبضے سے 19کوڈین بوتلیں برآمد کرکے ضبط کی گئیں۔ بیان کے مطابق پولیس نے مذکورہ منشیات فروش کو حراست میں لے کر اس کے خلاف صفا پورہ پولیس اسٹیشن میں کیس درج کرکے تحقیقات شروع کی ہے۔  

سوپور میں منشیات فروش گرفتار ، نشہ آور ادویات ضبط :پولیس

سرینگر/پولیس نے جمعرات کو جاری ایک بیان میں کہا کہ سوپور پولیس نے ایک شخص کی گرفتاری عمل میں لا کر اس کے قبضے سے نشہ آور ادویات کی ٹکیاں برآمد کرکے ضبط کیں۔ بیان کے مطابق سوپور پولیس نے مصدقہ اطلاع موصول ہونے کے بعد خوشحال کالونی سوپورکے نزدیک ناکہ چیکنگ کے دوران منشیات فروش ،دانش احمد گوجری ولد محمد رجب گوجری ساکنہ بڈ شاہ مسجد بٹہ پورہ سوپور کو روک کر اس کی جامہ تلاشی لی جس دوران اس کے قبضے سے 210نشیلی ادویات کی ٹکیاں برآمد ہوئیں۔  پولیس ٹیم نے موقع پر ہی مذکورہ منشیات فروش کو دھر دبوچ کر اس کے خلاف ایف آئی آر درج کرکے تحقیقات شروع کی۔  

اوڑی میں آوارہ کتوں کے حملے میں این ایچ پی سی کے دو ملازم زخمی

اوڑی/ شمالی قصبہ اوڑی کے سلام آباد علاقے میں جمعہ کو محکمہ این ایچ پی سی(دوم)کے دو ملازمین آورہ کتوں کے حملے میں زخمی ہوگئے۔ معلوم ہوا ہے کہ جب یہ ملازمین سلام آباد اوڑی میں این ایچ پی سی پاور پرجیکٹ میں ڈیوٹی پر جا رہے تھے تو اسی اثناء میں آوارہ کتوں کے ایک جھنڈنے ان پر حملہ کر کے اُنہیں زخمی کر دیا ۔ زخمی ملازمین کو علاج و معالجہ کے لئے سب ضلع اسپتال اوڑی پہنچایا گیا ہے جہا ں پر انہیں ابتدائی طبی امداد کے بعدروانہ کیا گیا ۔ مذکورہ زخمی افراد کی شناخت مشتاق احمد بابا ساکنہ ترال اور الطاف احمد آوان ساکنہ سلام آباد اوڑی کے بطور ہوئی ہے۔ یاد رہے کہ گزشتہ ہفتے قصبہ اوڑی کے ایک علاقے میں آوارہ کتوں نے 3 خواتین اور 3 طلبہ سمیت 18 افراد کو زخمی کیا تھا۔  آوارہ کتوں کے  لوگوں  پرمسلسل حملوں سے اُوڑی اور ملحقہ علاقوں میں سخت خوف و ہراس پھیل گیا ہے۔  

تاجر کے پُر اسرار طور لاپتہ ہونے کیخلاف بانہال میں احتجاجی ہڑتال

سرینگر/بانہال قصبہ میں جمعہ کو ایک مقامی تاجر کے پُر اسرار طور لاپتہ ہونے کیخلاف احتجاجی ہڑتال کی جارہی ہے۔ مذکورہ لاپتہ شہری بھیڑ بکریوں کا تاجر ہے۔ اطلاعات کے مطابق50سالہ غلام رسول وانی ساکنہ ٹھاٹھری12جولائی سے لاپتہ ہے۔ وانی اُدھمپور کے ٹکری علاقے سے لاپتہ ہوا ہے جہاں وہ بھیڑ بکریاں خریدنے گیا تھا۔ اطلاعات کے مطابق بانہال قصبہ اور ملحقہ علاقے میں دکان اور کاروباری ادارے بطور احتجاج بند ہیں۔ مقامی لوگوں نے ٹھاٹھری اور بانہال میں لاپتہ شہری کی بازیابی کے حق میں احتجاجی مظاہرے بھی کئے ۔  

جنوبی کشمیر کے اننت ناگ میں فورسز محاصرہ، تلاشی آپریشن

سرینگر/سیکورٹی فورسز نے جمعہ کو ضلع اننت ناگ کے سیر ہمدان علاقے کو محاصرے میں لیکر وہاں تلاشی آپریشن شروع کیا ہے۔ حکام کے مطابق یہ کارروائی فوج، سی آر پی ایف اور ایس او جی اہلکاروں کی طرف سے مشترکہ طور عمل میں لائی جارہی ہے۔ انہوں نے مزید کہا کہ علاقے کی سبھی سڑکیں عبور و مرور کیلئے بند کی گئی ہیں۔ سیر ہمدان کھنہ بل۔پہلگام روڑ پر قصبہ اننت ناگ سے 15کلو میٹر دوری پر واقع ہے۔ آخری اطلاعات ملنے تک علاقے میں گھر گھر تلاشی کا سلسلہ جاری تھا۔  

کنگن میں ہریانہ کے دو موٹر سائیکل سوار سڑک حادثے میں جاں بحق

سرینگر/وسطی کشمیر کے گاندر بل ضلع میں جمعہ کی صبح ایک سڑک حادثے کے دوران ریاست ہریانہ کے رہنے والے دو موٹر سائیکل سوار جاں بحق ہوگئے۔ یہ حادثہ ضلع میں کنگن علاقے کے رائیل گنڈ گائوں میں پیش آیا جہاں ایک ٹرک اور موٹر سائیکل آپس میں ٹکراگئے۔ معلوم ہوا ہے کہ موٹر سائیکل پر سوار ہریانہ کے دو شہری لداخ سے سرینگر کی طرف آرہے تھے جبکہ ٹرک مخالف سمت سے جاری تھی۔ اس حادثے کے نتیجے میں27سالہ بھارت بوشن ولد اشوک کمار ساکن ہریانہ موقع پر ہی جاں بحق جبکہ گورلال سنگھ ولد کیول سنگھ ساکن ہریانہ شدید طور پر زخمی ہوگئے ۔ گورلال کو مقامی لوگوں نے اسپتال پہنچایا جہاں ڈاکٹروں نے اُسے مردہ قرار دیا۔  

لولاب میں سیلابی صورتحال نے خاتون کی جان لی،رہائشی مکانوں، فصلوں کو نقصان

سرینگر/شمالی کشمیر کے ضلع کپوارہ میں جمعرات کو متعدد بادل پھٹنے کے نتیجے میں سیلابی صورتحال نے ایک خاتون کی جان لی۔ یہ واقعہ ضلع کے لولاب علاقے میں پیش آیا جہاں 35سالہ شفیقہ بانو متعدد بادل پھٹنے کے بعد پانی کے ریلے میں بہہ کر جاں بحق ہوگئی ۔ مذکورہ خاتون کی لاش بعد میں بر آمد کی گئی۔ ذرائع کے مطابق لولاب کے کانٹہ پورہ،پوتہ شاہی اور ڈونی واری گائوں میں متعدد بادل پھٹ پڑے جس کے نتیجے میں علاقے میں سیلابی صورتحال پیدا ہوگئی۔ اطلاعات کے مطابق بادل پھٹنے کی وجہ سے رہائشی مکانوں اور کھڑی فصلوں کو شدید نقصان پہنچا۔ شمریال علاقے میں ایک فٹ برج بھی پانی میں بہہ گیا۔    

جے کے ایس آر ٹی سی سرینگر سے جموں شبانہ سروس شروع کر رہی ہے

                سر ی نگر/مسافروں کی راحت کے لئے جموں وکشمیر سٹیٹ روڈ ٹرانسپورٹ کارپوریشن نے جموں سے سری نگر اور سری نگر سے جموں کے لئے 15 اگست  2019ء کے بعد شبانہ بس سروس شرو ع کرنے کا فیصلہ کیا ہے۔ ایک سرکاری بیان کے مطابق یہ فیصلہ جمعرات کوپرنسپل سیکرٹری ٹرانسپورٹ محکمہ ڈاکٹر اصغر حسن سامون کی صدارت میں منعقدہ ایک میٹنگ میں لیا گیا جس میں جے کے ایس آر ٹی سی کے منیجنگ ڈائریکٹر ، آر ٹی او کشمیر، ایس ایس پی سر ی نگر ، ایس ایس پی ٹریفک سری نگر اور دیگر متعلقہ افسران نے بھی شرکت کی۔ میٹنگ میں بتایا گیا کہ شبانہ سروس نہ ہونے کے نتیجے میں اس شاہراہ سفر کرنے والے لوگوں کو سخت مشکلات کا سامنا کرنا پڑتا ہے لہٰذا اس بات کی سخت ضرورت محسوس کی جارہی ہے کہ شاہراہ پر شبانہ بس سروس شروع کی جائے۔ ڈاکٹر سامون نے متعلقہ افسروں کو ہدایت دی کہ

سرینگر میں منشیات فروش گرفتار ، ممنوعہ نشیلی اشیاضبط : پولیس

سرینگر/پولیس کی طرف سے جاری ایک بیان میں جمعرات کو بتایا گیا کہ سرینگر پولیس نے ایک شخص کی گرفتاری عمل میں لا کر اس کے قبضے سے چرس برآمد کرکے ضبط کیا ہے۔ بیان کے مطابق سید منصور صاحب سرینگرپل کے نزدیک کرن نگر پولیس نے ناکہ چیکنگ کے دوران ایک موٹر سائیکل کو روک کر اس پر سوار، اشان نجار ولد غلام قادر نجار ساکنہ پتھر مسجد زینہ کدل کی جامہ تلاشی لی جس دوران اس کے قبضے سے 105گرام چرس برآمد ہوا۔  پولیس نے موقع پر ہی مذکورہ شخص کی گرفتاری عمل میں لا کر اس کے خلاف ایف آئی آر زیر نمبر 29/2019کے تحت پولیس اسٹیشن کرن نگر میں کیس درج کرکے تحقیقات شروع کی ہے۔علاوہ ازیں پولیس ٹیم نے موٹر سائیکل کو بھی اپنی تحویل میں لے لیا ہے۔  

کٹھوعہ عصمت دری کیس میں حکومت جموں کشمیر اور مجرموں کے نام پنجاب ہائی کورٹ کی نوٹس

سرینگر/پنجاب اور ہریانہ کی عدالت عالیہ نے جمعرات کو حکومت جموں کشمیر اور کٹھوعہ عصمت دری و قتل کیس معاملے کے چھہ مجرموں کے نام نوٹس جاری کی ہے۔ یہ نوٹس آٹھ سالہ بچی، جسے کٹھوعہ کے ایک گائوں، رسانہ میں اجتماعی عصمت دری کے بعدقتل کیا گیا، کے والد کی طرف سے مجرموں کی سزا بڑھانے کے حق میں دائر ایک عرضی کے بعد جاری کی گئی۔ کورٹ نے اُس ملزم کے نام بھی نوٹس جاری کی ہے جس کو عدالت نے الزامات سے بری کیا ہے۔ رواں ماہ کی10تاریخ کو مقتولہ بچی کے والد نے مجرموں کی سزا بڑھانے کے حق میں ایک درخواست عدالت عالیہ کے سامنے پیش کی تھی۔انہوں نے اپنی درخواست میں مجرموں کیخلاف موت اور عمر قید کی سزا کی درخواست کی ہے۔ انہوں نے ایک ملزم کو بری کرنے کیخلاف بھی اپیل دائر کی ہے۔ پنجاب اور ہریانہ کی عدالت عالیہ نے اسی سلسلے میں آج حکومت جموں کشمیر اور مجرموں کے نام نوٹس جاری کردی۔ درخواست دہندہ

امرناتھ یاتریوں کا17واں جتھا جموں سے گپھا کی طرف روانہ

سرینگر/سخت ترین حفاظتی انتظامات کے بیچ جمعرات کو 4,167افراد پر مشتمل امر ناتھ یاتریوں کا 17واں جتھا جموں سے وادی کشمیر میں واقع امرناتھ گپھا کی طرف روانہ ہوگیا۔ حکام کے مطابق گذشتہ روز تک گپھا میں درشن کرنے والے یاتریوں کی تعداد2,19.011تک پہنچ گئی تھی۔ اس سال امرناتھ یاترا یکم جولائی کو شروع ہوئی اور یہ15اگست تک جاری رہے گی۔ حکام کے مطابق ابھی تک 2لاکھ30ہزار افرادنے امرناتھ جانے کیلئے رجسٹریشن کرائی ہے۔  

مینڈھر پونچھ میں سڑک حادثہ، 1 مسافرجاں بحق،9زخمی

سرینگر/ ضلع پونچھ کے مینڈھر علاقے میں جمعرات کو سڑک کے ایک حادثے میں ایک شخص کی موت واقع ہوگئی جبکہ9زخمی ہوگئے جن میں سے 4کی حالت نازک بتائی جارہی ہے۔ اطلاعات کے مطابق ایک گاڑی سخی میدان میلے کی طرف جاتے ہوئے جونہی سلونی اُچڈ نامی گائوں کے پاس پہنچی تو اُس کو حادثہ پیش آیا۔ اس حادثے میں ایک مسافر جاں بحق جبکہ نو زخمی ہوگئے ۔ ذرائع کے مطابق زخمیوں کو سب ضلع اسپتال مینڈھر پہنچایا گیا جہاں سے چار شدید زخمیوں کو راجوری کے ضلع اسپتال منتقل کیا گیا۔  

سوپور معرکہ میں جاں بحق جنگجو کا تعلق لشکر طیبہ سے تھا:پولیس

سرینگر/ شمالی کشمیر کے سوپور علاقے میں بدھ کو فورسز اور جنگجو ئوں کے درمیان معرکہ آرائی میں جو جنگجو جاں بحق ہوگیا اُس کی شناخت ہوگئی ہے۔ پولیس نے کہا کہ جاں بحق جنگجو عدنان علی ،ساکنہ آرمپورہ سوپورہے اور اُس کا تعلق لشکر طیبہ سے تھا۔ اس سے قبل معرکہ کی جگہ سے ایک جنگجو کی لاش اور اُس کا سلحہ بر آمدکیا گیا۔ واضح رہے کہ آ ج صبح فوج کی 21 راشٹریہ رائفلز اور سپیشل آپریشن گروپ کے اہلکاروں نے ایک مصدقہ اطلاع ملنے کے بعد گنڈ براٹھ سوپور کو محاصرے میں لیکر تلاشی کاروائی شروع کی تھی۔  جوں ہی فورسز نے جنگجو ئوں کو ڈھونڈ نکالنے کے لئے تلاشی کاروائی شروع کی تو چھپے جنگجوئوں اور فورسز کے مابین گولیوں کا تبادلہ شروع ہوا۔ علاقے میں انٹر نیٹ سروس معطل ہے اور حکام نے علاقے میں تعلیمی ادارے بھی دن بھر کیلئے بند کئے تھے۔  

سوپور میں تین منشیات فروش گرفتار ، نشہ آور ادویات ضبط :پولیس

سرینگر/پولیس نے سوپورمیں 3منشیات فروشوں کی گرفتاری عمل میں لاکر ان کے قبضے سے نشہ آور ادویات کی بوتلیں برآمد کرکے ضبط کی ہیں۔ بدھ کو جاری ایک بیان میں پولیس نے کہا کہ واڈورہ سوپور کے نزدیک پولیس نے ناکہ چیکنگ کے د وران تین افراد جن کی شناخت سبزار احمد ملیار ولد عبدالرحمن ملیار ساکنہ مٹن اننت ناگ ، مجیب احمد خان ولد بشیر احمد خان ساکنہ لازی بل اننت ناگ اور ایاز احمد بٹ ولد محمد امین بٹ ساکنہ سیر ہمدان کے بطور ہوئی ہے کو روک کر ان کی تلاشی لی جس دوران ان کے قبضے سے 42کوڈین بوتلیں اور نقدی 13ہزار ایک سو روپیہ کی رقم برآمد کرکے ضبط کی گئی۔  پولیس نے موقع پر ہی تینوں کو حراست میں لے کر ان کے خلاف ا یف آئی آر زیر نمبر 45/2019کے تحت پولیس اسٹیشن بومئی میں کیس درج کرکے مزید تحقیقات شروع کی ہے۔ ناکہ پر مامور پولیس اہلکاروں نے ایک ٹویرا گاڑی کو بھی تحویل میں لے لیا ۔  

پلوامہ میں کوڑا جمع کرنے کیخلاف احتجاج کے دوران نوجوان پیلٹ لگنے سے زخمی

سرینگر/جنوبی ضلع پلوامہ میں بدھ کو ایک نوجوان اُس وقت زخمی ہوگیا جب پولیس نے کوڑا جمع کرنے کیخلاف احتجاج کرنے والوں کیخلاف پیلٹ فائر کئے۔ یہ واقعہ ضلع پلوامہ کے وہی بگ گائوں میں پیش آیا جہاں لوگ میونسپل کمیٹی پلوامہ کے اہلکاروں کی طرف سے کوڑا جمع کرنے کیخلاف احتجاج کررہے تھے ۔ اطلاعات کے مطابق کوڑا کرکٹ سے بھری ایک گاڑی کی حفاظت پر مامور پولیس اہلکاروں نے سنگبازی کررہے مظاہرین پر پیلٹ فائر کئے جس کے نتیجے میں ایک نوجوان بری طرح زخمی ہوگیا۔ زخمی نوجوان کو ضلع اسپتال پلوامہ پہنچایا گیا ہے۔  

کفایت رضوی ریڈ کراس سوسائٹی کی ریاستی برانچ کے اعزازی جنرل سیکریٹری تعینات

سرینگر/گورنر انتظامیہ نے بدھ کو کفایت حسین رضوی کو انڈین ریڈ کراس (آئی آر سی) جموں کشمیر برانچ کا اعزازی جنرل سیکریٹری تعینات کیا۔ کفایت رضوی کی تعیناتی تین برس کیلئے عمل میں لائی گئی ہے۔ کفایت رضوی لیبر اینڈ ایمپلائمنٹ محکمہ، جموں کشمیر میں بطور کمشنر سیکریٹری فائز رہے ہیں۔  

پیپلز ڈیمو کریٹک پارٹی کو دھچکہ، سینئر لیڈر اور سابق وزیر خلیل بند مستعفی

سرینگر/پیپلز ڈیمو کریٹک پارٹی (پی ڈی پی) کے سینئر لیڈر، سابق وزیر اور ضلع پلوامہ کے صدر محمد خلیل بند ،بدھ کو پارٹی کی بنیادی رکنیت سے مستعفی ہوگئے۔ انہوں نے اپنے استعفیٰ میں لکھا ہے کہ پارٹی نے سابق وزیر اعلیٰ مفتی محمد سعید کی وفات کے بعد اصولوں سے انحراف کیا ہے اوراہم فیصلے لیتے وقت پارٹی نے سینئر ارکان کو اعتماد میں نہیں لیا ہے۔ خلیل بند ،پارٹی کے سینئر لیڈر، سابق وزیر اور ضلع پلوامہ کے صدر تھے اور انہوں نے پارٹی کیخلاف کئی الزامات عاید کرتے ہوئے استعفیٰ دیدیا ہے۔ خلیل کے اس اقدام کو پی ڈی پی کیلئے بڑا دھچکہ قرار دیا جارہا ہے۔  

بڈگام میں بد نام زمانہ منشیات فروش کے قبضے سے 18.5گرام ہیروئن برآمد:پولیس

 سرینگر/پولیس کی طرف سے بدھ کو جاری ایک بیان میں بتایا گیا ہے کہ بڈگام پولیس نے "بد نام زمانہ" منشیات فروش کی گرفتاری عمل میں لا کر اس کے قبضے سے ممنوعہ نشیلی اشیابرآمد کرکے ضبط کی ہے۔ پولیس بیان کے مطابق مصدقہ اطلاع موصول ہونے کے بعد پولیس نے سبدن چوک بڈگام میں ناکہ چیکنگ کے دوران ایک ماروتی کار کو روک کر اس میں سوار بلال احمد بٹ ولد عبدالرحمن بٹ ساکنہ حیدر پورہ کی جامہ تلاشی لی جس دوران اس کے قبضے سے 18.5گرام ہیروئن برآمد ہوئی ۔ پولیس نے موقع پر ہی منشیات فروش کو حراست میں لے کر اس کے خلاف ایف آئی آر زیر نمبر 219/2019کے تحت پولیس اسٹیشن بڈگام میں کیس درج کرکے تحقیقات شروع کی ہے۔  

تازہ ترین