'پارٹی مخالف سرگرمیوں' کی پاداش میں الطاف بخاری پی ڈی پی سے خارج

سرینگر/پیپلز ڈیمو کریٹک پارٹی (پی ڈی پی) نے سنیچر کو سینئر لیڈر الطاف بخاری کو ''پارٹی مخالف ''سرگرمیوں کی پاداش میں پارٹی کی بنیادی رکنیت سے خارج کردیا۔ پارٹی نے ایک ٹویٹ میں لکھا''پارٹی نے آج الطاف بخاری کو پارٹی مخالف سرگرمیوں کی بنا پر خارج کردیا''۔ ''پارٹی الطاف بخاری کی سرگرمیوں کوکچھ وقت سے دیکھ رہی تھی اور آج اُنہیں پارٹی کی بنیادی رکنیت سے خارج کردیا گیا''۔      

ممکنہ برفباری کے پیش نظرٹریفک حکام کی ایڈوائزری

سرینگر /سنیچر سے ممکنہ بھاری برفباری کی پیش گوئی کو مد نظر رکھتے ہوئے ٹریفک پولیس نے   رہنما اصول جاری کرتے ہوئے کہا کہ شاہرائوں پر گاڑیاں چلاتے وقت احتیاط برتنے کی اشد ضرورت ہے تاکہ حادثات کو رونما ہونے سے روکا جا سکے۔ ایڈوائزری میں کہا گیا ہے کہ غیر ضروری سفر سے اجتناب کیا جائے،گاڑ ی کی رفتار کم کی جائے،دو پہیوں والی گاڑیوں کو کم سے کم استعمال کیا جائے،گاڑی چلاتے وقت حفاظتی اقدامات کو یقینی بنایا جائے،مناسب وقت پر بریک کا استعمال کیا کریں،ایک دوسرے پر سبقت لینے سے گریز کیا جائے، گاڑیوں کے بیچ فاصلہ رکھا جائے، گاڑیاں چلاتے وقت ہیڈ لائٹس کو بروئے کار لایا جائے ، ٹائروں میں ہوا کی مقدار کم رکھی جائے، وغیرہ۔ ایڈوائزری میں بتایا گیا ہے کہ حفاظتی اقدامات کے پیش نظر ریڈیو کشمیر چوک سے رام منشی باغ اور گپکار کراسنگ سے 25جنوری 2019تک ٹریفک کی آمدورفت کو محدود کیا گیا ہے۔ پان

لداخ برفانی تودہ: چھٹی لاش بر آمد، باقی ماندہ کی تلاش جاری

سرینگر/خطہ لداخ کے ضلع لیہہ کے کھر دونگلہ ٹاپ پر جمعہ کو برفانی تودہ گرنے سے جو10افراد زندہ دفن ہوگئے ، اُن میں سے سنیچر کو چھٹی لاش بر آمد کی گئی۔ اس برفانی تودے سے گذشتہ روز ہی پانچ لاشیں بر آمد کی گئی تھیں جبکہ چھٹی لاش آج بر آمد ہوئی۔ اس سے قبل اس حادثے میں دس افراد لاپتہ ہوے تھے ۔ لاپتہ افراد کو ڈھونڈ نکالنے کیلئے پولیس ،ایس ڈی آر ایف ،فوج ،جی آر ای ایف اور بیکن عملہ نے مشترکہ طور پربڑے پیمانے پرکارروائی کا آغاز کیا تھا۔ کھرد نگلہ ٹاپ لہیہ کے مقام پر ایک گاڑی بھاری بھر کم برفانی تودے کی زد میں آئی تھی ،جسکے نتیجے میں 10افراد گاڑی سمیت زندہ دفن ہوگئے تھے ۔ حکام کے مطابق باقی ماندہ لاپتہ افراد کی تلاش شد و مد سے جاری ہے۔  

لالچوک سرینگر میں فورسز کی "تیاری کی تجرباتی" مشق

سرینگر/فورسز نے سنیچر کو لالچوک میں ''تیاری کی تجرباتی مشق'' کی جس سے آس پاس کے علاقے میں سراسیمگی پھیل گئی۔ اس مشق میں ایس او جی اور سی آر پی ایف اہلکاروں نے لالچوک میں واقع گھنٹہ گھر کے نزدیک حصہ لیا۔ عینی شاہدین کے مطابق فورسز نے جدید کیمروں سے لیس ڈرون کا بھی استعمال کیا اور کئی عمارات اور راہ گیروں کی بھی تلاشی لی۔ یہ'' تجرباتی'' آپریشن لالچوک میں مشتبہ جنگجوئوں کی طرف سے گرینیڈ پھینکے جانے کے دوسرے روز عمل میں لایا گیا۔  

پلوامہ میں تین نوجوانوں پر سیفٹی ایکٹ کا اطلاق، جموں جیل منتقل

سرینگر/جنوبی کشمیر کے ضلع پلوامہ میں سنیچر کو تین افراد پر پبلک سفٹی ایکٹ کا اطلاق عمل میں لاکر اُنہیں جموں جیل منتقل کیا گیا۔ حکام نے کہا کہ ڈپٹی کمشنر پلوامہ نے پولیس ڈوزیئر پر عمل کرتے ہوئے تین نوجوانوں پر سیفٹی ایکٹ عاید کیا۔ مذکورہ نوجوانوں کی شناخت عامر شفیع بٹ (20) ولد محمد شفیع بٹ ساکنہ کریم آباد، محمد شفیع میر(22) ولد محمد رمضان میر ساکنہ سرنو اور سہیل احمد وگے(23) ساکنہ سرنو کے طور کی گئی ہے۔ حکام کے مطابق تینوں کو ''قوم دشمن سرگرمیوں '' کی پاداش میں سیفٹی ایکٹ کے ذمرے میں لایا گیا ہے۔ انہوں نے کہا کہ تینوں سنگباری میں ملوث رہے ہیں اور جنگجوئوں کیلئے بحیثیت بالائے زمین معاونین کام کرتے تھے۔ تاہم مذکورہ نوجوانوں کے گھروالوں نے اُن پر عاید سبھی الزامات کی تردید کی۔انہوں نے گورنر انتظامیہ سے اپیل کی کہ گرفتار شدگان کو رہا کیا جائے۔  

جنوبی کشمیر کے اننت ناگ میں گرینیڈ دھماکہ، شہری زخمی

سرینگر/جنوبی قصبہ اننت ناگ میں سنیچر کو مشتبہ جنگجوئوں نے سی آر پی ایف کی ایک پارٹی کو گرینیڈ سے نشانہ بنانے کی کوشش کی جس سے ایک عام راہ گیر زخمی ہوگیا۔ یہ واقعہ قصبہ کے ،کے پی روڑ پر پیش آیا جہاں فورسز کی ایک پارٹی تعینات تھی اور جس کو گرینیڈ سے نشانہ بنانے کی کوشش کی گئی۔ ذرائع نے کہا کہ زخمی شہری کو اسپتال منتقل کیا گیا ہے جہاں اُس کا علاج جاری ہے۔ یہ وادی کشمیر کے اندر گذشتہ دس روز کے دوران پانچواں گرینیڈ دھماکہ تھا۔ اس سے قبل سرینگر کے راجباغ اور لالچوک علاقوں میں بھی گرینیڈ دھماکے ہوئے ہیں۔  

کپوارہ کی خاتون لل دید اسپتال کے باہر بچہ جننے پر مجبور، تحقیقات کا حکم

سرینگر/سرینگر کے لل دید اسپتال میں مبینہ طور داخلہ نہ دینے کے بعد ایک خاتون کو مذکورہ اسپتال کے باہر سڑک پر بچہ جننے پر مجبور کیا گیا ہے۔یہ واقعہ جمعرات کو پیش آیا اور حکام نے سنیچر کواس کا سنجیدہ نوٹس لیتے ہوئے اس کی تحقیقات کا حکم دیدیا۔ اطلاعات کے مطابق وادی کے سب سے بڑے زنانہ اسپتال، لل دید میں ڈاکٹروں نے مبینہ طور ضلع کپوارہ کی ایک خاتون کو دوران شب داخلہ نہیں دیا ، جسے موری، کلاروس سے یہاں لایا گیا تھا۔ کشمیر کے صوبائی صدر بصیر خان نے کہا کہ پرنسپل /ڈین جی ایم سی کو تحقیقات کرکے حقائق کا پتہ لگانے کا حکم دیدیا گیا ہے ۔   خبر رساں ایجنسی جی این ایس کے مطابق حکمنامے میں لکھا ہے کہ حقائق کا پتہ لگانا ضروری ہے تاکہ اس جرم کا ارتکاب کرنے والوں کیخلاف کارروائی عمل میں لائی جاسکے۔ لل دید اسپتال کے میڈیکل سپر انٹنڈنٹ ڈاکٹر شبیر صدیقی کے مطابق معاملہ پہلے ہی متعلقہ شع

محبوس شاہد الاسلام کی رہائی کیلئے محبوبہ مفتی کی رجناتھ سنگھ سے بات

سرینگر/سابق وزیر اعلیٰ محبوبہ مفتی نے سنیچر کو وزیر داخلہ راجناتھ سنگھ کے ساتھ بات کرکے محبوس حریت کانفرنس (ع) لیڈر شاہد الاسلام کی ''فوری رہائی'' پر زور دیا جس کی اہلیہ شدید بیماری میں مبتلا ہے۔ محبوبہ نے اپنی ایک ٹویٹ میں لکھا'' وزیر داخلہ کے ساتھ شاہدالاسلام کی انسانی بنیادوں پر رہائی کے بارے میں بات کی، جس کی اہلیہ بیماری میں مبتلاء ہے''۔ شاہد کو این آئی اے نے 2017میں مبینہ فنڈگ کیس کے سلسلے میں  گرفتار کرکے دلی کے تہار جیل میں مقید کر رکھا ہے۔ شاہد کی اہلیہ بیماری میں مبتلاء ہے۔  

محکمہ موسمیات کی پیشگوئی کے عین مطابق وادی کشمیر میں تازہ برفباری

سرینگر/وادی کشمیر میں محکمہ موسمیات کی پیشگوئی کے عین مطابق سنیچر کو تازہ برفباری ہورہی ہے۔محکمہ کی یہ پیشگوئی آنے والے تین دن کیلئے ہے۔ محکمہ نے اپنی پیشگوئی میں کہا ہے کہ مغربی ہوائوں کے اثر سے وادی کے موسمی حالات بہت خراب رہنے والے ہیں جس کے نتیجے میں23جنوری تک بھاری برفباری متوقع ہے۔ انتظامیہ نے پہلے ہی موسم کے بارے میں ایڈوائزری جاری کر رکھی ہے۔  محکمہ موسمیات کے مطابق سرینگر میں گذشتہ رات کا کم سے کم درجہ حرارت منفی2.0ڈگری سیلشیس ریکارڈ کیا گیا ہے جبکہ پہلگام اور گلمرگ میں کم سے کم درجہ حرارت منفی4.4اورمنفی7.0ڈگری سیلشیس درج کیا گیا ہے۔ لیہہ قصبے میں کم سے کم درجہ حرارت منفی9.2ڈگری سیلشیس جبکہ کرگل میں یہ منفی18.9ڈگری سیلشیس ریکارڈ کیا گیا۔  

کشمیر یونیورسٹی کے تحت آج لیا جانے والا امتحان ملتوی

سرینگر/کشمیر یونیورسٹی کے تحت سنیچر کو لیا جانے والا امتحان ملتوی کیا گیا ہے۔ ایک بیان میں کہا گیا ہے کہ کلنیکل سائکولوجی ، ایم فل کیلئے آج لیا جانے والا امتحان ملتوی کیا گیا ہے۔ مذکورہ امتحان کیلئے نئی تاریخوں کا اعلان بعد میں کیا جائے گا۔ واضح رہے کہ وادی کشمیر میں آج صبح سے برفباری ہورہی ہے۔  

گائو کدل ،ہندوارہ اور کپوارہ ہلاکتوں کی برسیوں پر متعلقہ علاقوں میں ہڑتال کی اپیل

سرینگر/ گائو کدل ،ہندوارہ اور کپوارہ اجتماعی ہلاکتوں کے واقعات کو ''بھارتی جابرانہ تسلط اور ظلم کے آئینہ'' دار قرار دیتے ہوئے علیحدگی پسندوں کے پلیٹ فارم، مشترکہ مزاحمتی قیادت نے گائوکدل، ہندوارہ اورکپوارہ سانحات کی برسیوں کے موقع پر21 ،25اور 27 جنوری کو باالترتیب گائو کدل،بسنت باغ،چوٹہ بازار اور ملحقہ علاقہ جات نیزہندوارہ اور کپوارہ قصبوں میں مکمل اور ہمہ گیر احتجاجی ہڑتال کی اپیل کی ہے۔  سید علی گیلانی، میرواعظ محمد عمر فاروق اور محمد یاسین ملک پر مشتمل مشترکہ مزاحمتی قیادت کے بیان کے مطابق مذکورہ مقامات پر دعائیہ مجالس کا انعقاد کیا جائے گا۔ انہوں نے کہا کہ شہدائے گائوکدل، شہدائے ہندوارہ اور شہدائے کپوارہ کی یاد دراصل ہمارے لئے تجدید عہد کے ایام ہیں اور ہم اپنے اس عہد کا اعادہ کرتے ہیں کہ شہداء کے مشن کی تکمیل کیلئے جدوجہد کو جاری رکھیں گے۔انہوں نے 21 جن

لداخ برفانی تودہ: پانچ لاشیں بر آمد، لاپتہ افراد کی تلاش جاری

سرینگر/لداخ خطے میں جمعہ کی صبح جودس افراد برفانی تودے کی زد میں آکر لاپتہ ہوئے تھے اُن میں سے  پانچ کی لاشیں بر آمد ہوئی ہیں۔ حکام نے کہا کہ بھاری برف کے اندر لاپتہ افراد کی تلاش حادثے کے فوراً بعد شروع کی گئی اور ابھی تک پانچ افراد کی لاشیں بر آمد کی گئی ہیں۔ حکام کے مطابق اس کیلئے ماہرین کو جدید مشینری کے ساتھ کام پر لگایا گیا ہے۔ واضح رہے کہ آج صبح خطے کے کھردنگلہ علاقے میں ایک برفانی تودے کی زد میں آکر دس افراد لاپتہ ہوئے تھے۔ اطلاعات میں عینی شاہدین کا حوالہ دیتے ہوئے کہا گیا ہے کہ ایک گاڑی اچانک گرنے والے تودے کی زد میں آگئی جس کے بعد مذکورہ گاڑی اور اس میں سوار دس افراد لاپتہ ہوگئے۔  

یوم جمہوریہ سے قبل پولیس ایڈوائزری جاری

سرینگر/جنوری26کے سلسلے میں ممکنہ جنگجو حملوں کو مد نظر رکھتے ہوئے پولیس نے اپنے افسران کو ایڈوائزری جاری کرتے ہوئے چوبیسوں گھنٹے چوکس رہنے کی ہدایت دی ہے۔   ایڈوئزری پر عمل کرتے ہوئے شہر میں جگہ جگہ ناکے لگائے گئے ہیں جہاں لوگوں کی چیکنگ کی جارہی ہے۔ ایسے ہی ناکے سرینگر سے باہر وادی کے دیگر ضلع و تحصیل صدر مقامات میں بھی لگائے گئے ہیں۔  پولیس کی طرف سے جاری ایڈوائزری میں لوگوں سے ناکوں پر تلاشیوں کے دوران تعاون کی اپیل کی گئی ہے۔ خبر رساں ادارے، پی ٹی آئی کے مطابق ایڈوائزری میں تعلیمی اداروں کو بتایا گیا ہے کہ وہ کسی اجنبی کو داخل نہ ہونے دیں اور طالب علموں کو خصوصی ہدایات دیں۔ پولیس نے لوگوں سے اپیل کی ہے کہ وہ اجنبی اور لاوارث چیزوں کو ہاتھ نہ لگائیں اور کسی بھی مشکوک چیز یا شخص کو دیکھنے پر پولیس کو اطلاع دیں۔ ایڈوائزری میں کہا گیا''اگر آپ کے پا

جنوبی کشمیر کے شوپیان میں گرینیڈ دھماکہ،کوئی نقصان نہیں

سرینگر/جنوبی کشمیر کے شوپیان میں مشتبہ جنگجوئوں نے جمعہ کو فورسز کیمپ پر گرینیڈ حملہ کیا جس سے علاقے میں تنائو پھیل گیا۔ ذرائع کے مطابق گرینیڈ گاگرن میں قائم فورسز کیمپ کے باہر زور دار دھماکے کے ساتھ پھٹ گیا تاہم اس سے کسی کے زخمی ہونے کی کوئی اطلاع نہیں ملی ہے۔ واضح رہے کہ سرینگر کے لالچوک علاقے میں بھی آج ہی ایک گرینیڈ دھماکہ ہوا ۔    

سرینگر لالچوک میں فورسز پر گرینیڈ حملہ

سرینگر/لالچوک سرینگر میں مشتبہ جنگجوئوں نے جمعہ کو سی آر پی ایف پارٹی پر گرینیڈ حملہ کیا جس سے علاقے میں تنائو پھیل گیا۔ عینی شاہدین کے مطابق گرینیڈ گھنٹہ  گھر  کے  نزدیک  زور دار دھماکے کے ساتھ پھٹ گیا جس سے آس پاس کا علاقہ دہل اُٹھا۔ تاہم مذکورہ گرینیڈ دھماکے سے کسی کے زخمی ہونے کی کوئی اطلاع نہیں ملی ہے۔ واضح رہے کہ سرینگر کے راجباغ علاقے میں بھی گذشتہ روز ایک گرینیڈ حملہ ہوا تھا جس میں تین پولیس اہلکار زخمی ہوئے تھے۔  

لداخ میں برفانی تودے کی زد میں آنے والے تین افراد کی لاشیں بر آمد

سرینگر/لداخ خطے میں جمعہ کی صبح جودس افراد برفانی تودے کی زد میں آکر لاپتہ ہوئے تھے اُن میں  سے تین کی لاشیں بر آمد ہوئی ہیں۔ حکام نے کہا کہ بھاری برف کے اندر لاپتہ افراد کی تلاش حادثے کے فوراً بعد شروع کی گئی اور ابھی تک تین افراد کی لاشیں بر آمد کی گئی ہیں۔ بارڈڑ روڈس آرگنائزیشن کے ایک بیان میں بتایا گیا ہے کہ اس کیلئے ماہرین کو جدید مشینری کے ساتھ کام پر لگایا گیا ہے۔ واضح رہے کہ آج صبح خطے کے کھردنگلہ علاقے میں ایک برفانی تودے کی زد میں آکر دس افراد لاپتہ ہوئے تھے۔ اطلاعات میں عینی شاہدین کا حوالہ دیتے ہوئے کہا گیا ہے کہ ایک گاڑی اچانک گرنے والے تودے کی زد میں آگئی جس کے بعد مذکورہ گاڑی اور اس میں سوار دس افراد لاپتہ ہوگئے۔  

وادی کشمیر بھاری برفباری کی تیاری میں

سرینگر/محکمہ موسمیات نے جمعہ کو کہا کہ سنیچر سے وادی کشمیر کے اندر بھاری سے بہت بھاری برفباری ہونے کا امکان ہے۔ محکمہ موسمیات کے علاقائی ڈائریکٹر سونم لوٹس کے مطابق برفباری جنوری23تک ''بہت بھاری اور شدید'' ہوگی۔ کشمیر کے صوبائی کمشنر نے وارننگ جاری کرتے ہوئے بالائی علاقوں میں رہنے والے لوگوں کو مشورہ دیا ہے کہ وہ کھانے کی چیزیں ذخیرہ کرکے رکھیں اور برفباری کے دوران اُدھر ادھر گھومنے کی کوشش نہ کریں۔ دریں اثناء سرینگر میں گذشتہ رات کے دوران کم سے کم درجہ حرارت منفی0.7ڈگری سیلشیس ریکارڈ کیا گیا ۔  

عسکری صفوں میں شامل ہونے کا منصوبہ بنارہا لولاب کا شہری گرینیڈ سمیت گرفتار: پولیس

سرینگر/ پولیس نے جمعہ کو کہا کہ اُنہوں نے شمالی کشمیر کے کپوارہ ضلع میں ایک شہری کو گرینیڈ سمیت گرفتار کرلیا جو عسکری صفوں میں شامل ہونے کا منصوبہ بنارہا تھا۔ پولیس کے مطابق گرفتار شدہ شخص سے گرینیڈ کے علاوہ دیگرقابل اعتراض چیزیں بھی بر آمد کی گئی ہیں۔ پولیس نے گرفتار شدہ شخص کی شناخت محمد اسلم بیگ ولد نذیر احمد بیگ ساکنہ میدانپورہ لولاب کے طور کرتے ہوئے کہا ہے کہ اُس کی گرفتاری ایک چیک پوئینٹ پر عمل میں لائی گئی۔ پولیس نے ایک بیان میں کہا کہ مذکورہ شہری عسکری صفوں میں شامل ہوکر کپوارہ میں کارروائیوں کا منصوبہ بنارہا تھا۔ پولیس نے کہا کہ ابتدائی تحقیقات کے مطابق معلوم ہوا ہے کہ گرفتار شدہ شخص سوشل میڈیا کے ذریعے عسکریت کی طرف مائل ہو اتھا۔ اس ضمن میں پولیس سٹیشن کپوارہ میں کیس درج کرکے مزید تحقیقات شروع کی گئی ہے۔  

لداخ خطے میں برفانی تودے کی زد میں آکر10 افراد لاپتہ

سرینگر/لداخ خطے میں جمعہ کو اُس وقت دس افراد لاپتہ ہوگئے جب وہ ایک بھاری بھرکم برفانی تودے کی زد میں آگئے۔ یہ واقعہ آج صبح خطے کے کھردنگلہ علاقے میں پیش آیا۔ اطلاعات میں عینی شاہدین کا حوالہ دیتے ہوئے کہا گیا ہے کہ ایک گاڑی اچانک گرنے والے تودے کی زد میں آگئی جس کے بعد سے مذکورہ گاڑی  اور اس میں سوار دس افراد لاپتہ ہیں۔ لاپتہ افراد کو ڈھونڈ نکالنے کیلئے آپریشن شروع کیا گیا ہے۔ مزید تفصیلات کا انتظار ہے۔  

راجوری ضلع میں کراس ایل او سی فائرنگ کے دوران شہری زخمی

سرینگر/ضلع راجوری میں جمعرات کو کنٹرول لائن پر بھارت اور پاکستانی افواج کی ایک دوسرے پر فائرنگ کے دوران ایک شہری زخمی ہوگیا۔ اطلاعات کے مطابق دونوں ملکوں کی افواج نے راجوری میں  کنٹرول لائن پر نوشیرہ، لام علاقے میں ایک دوسرے کے ٹھکانوں کو نشانہ بنایا۔ سرکاری ذرائع نے کہا کہ کراس ایل او سی فائرنگ کے اس واقعہ میں پوکھارنی کا رہنے والا ایک شہری زخمی ہوگیا۔  مذکورہ شہری کراس فائرنگ کے وقت اپنے مویشی چروارہا تھا۔  

تازہ ترین