فضائیں اللہ اکبر کی صدا سے گونج اٹھیں

  سرینگر/22مارچ/ سی این ایس / نیوزی لینڈ کی تاریخ کی بدترین دہشت گردی کے ایک ہفتے بعد نہ صرف سرکاری طور پر اذان نشر کی گئی بلکہ مسجد النور کے سامنے ہیگلے پارک میں نمازِ جمعہ کے اجتماع میں نےوزی لےنڈ کی وزیراعظم جیسنڈا آرڈرن کے علاوہ ہزاروں غیر مسلم افراد نے بھی شرکت کی۔ اس موقع پر وزیراعظم کے اعلان کے مطابق دوپہر ایک بج کر 32 منٹ پر 2 منٹ کی خاموشی بھی اختیار کی گئی انتظامیہ کے مطابق صرف ہیگلے پارک کے اجتماع میں 15 ہزار افراد نے شرکت کی۔سفید ٹوپی اور سیاہ لباس میں ملبوس موذن نے جیسے ہی اللہ اکبر کی صدا بلند کی تو پورے نیوزی لینڈ میں اس کی گونج سنائی دی گئی۔اذان کے فوراً بعد جہاں نیوزی لینڈ کے مختلف شہروں میں نمازِ جمعہ کے اجتماعات میں خاموشی اختیار کی گئی وہیں پڑوسی ملک آسٹریلیا میں بھی اظہارِ یکجہتی کے لیے جو جہاں تھا دومنٹ کے لیے وہیں ساکن ہوگیا۔ نمازِ جمعہ کے بعد دہشت گرد حملے

چین کے کیمیائی پلانٹ میں دھماکہ، 47 افراد ہلاک

 بیجنگ// مشرقی چین میں کیمیکل پلانٹ میں بڑے دھماکے کے نتیجے میں کم از کم 47افراد ہلاک اور 600 سے زائد زخمی ہو گئے۔ حکومت نے واقعے کی تصدیق کرتے ہوئے بتایا کہ ین چینگ کے صنعتی علاقے میں جمعرات کی دوپہر ہونے والے دھماکے کے نتیجے میں زخمی ہونے والے 600 سے زائد افراد کو ہسپتالوں میں طبی امداد فراہم کی جا رہی ہے۔ ابتدائی طور پر بتایا گیا تھا کہ دھماکے کے نتیجے میں 12 افراد ہلاک اور 30 زخمی ہوئے ہیں لیکن بعدازاں 47 افراد کی ہلاکت کی تصدیق کردی گئی۔ خبر رساں ادارے کے مطابق زخمی ہونے والے 600 سے زائد افراد میں سے کم از کم 90 کی حالت نازک ہے۔ یہ دھماکا اتنا شدید تھا کہ اس سے زلزلے کا گمان ہوا اور اس نے قریبی عمارتوں کو ہلا کر رکھ دیا اور کئی کلو میتر دور تک عمارتوں کے شیشے ٹوٹ گئے۔ 60سالہ مقامی خاتون ڑیانگ نے کہا کہ ہم جانتے ہیں ایک دن ہم سب ختم ہو جائیں گے اور وہ کافی عرصے قبل ہی علاقے می

عراق: دریائے دجلہ میں کشتی ڈوبنے کا واقعہ

بغداد//عراق کے دریائے دجلہ میں گنجائش سے زائد مسافروں سے بھری کشتی ڈوبنے سے خواتین اور بچوں سمیت تقریباً100 افراد ہلاک اور متعدد لاپتہ ہوگئے۔ مرنے والوں میں سے اکثریت خواتین اور بچوں کی ہے جو دریا کی تند و تیز موجوں کا سامنا نہ کر سکے اور دریا کے دوسرے کنارے پر واقع ریسٹورنٹ اور ایمیوزمنٹ پارک میں جشن مناتے ہوئے لوگوں نے انہیں ان کو اپنے سامنے ڈوبتے ہوئے دیکھا۔ وزارت داخلہ کے آفیشل نے نام ظاہر نہ کرنے کی شرط پر بتایا کہ حادثے میں 94افراد ہلاک ہو گئے جہاں مقامی افراد نے انہیں حالیہ عرصے میں کشتی ڈوبنے کا سب سے بدترین واقعہ قرار دیا ہے۔ عراق کے شمالی صوبے نینوا میں سول ڈیفنس کے سربراہ کرنل حسام خلیل نے خبر رساں ایجنسی کو بتایا کہ شمالی صوبے نینوا میں مقامی افراد اور سیاحوں کی بڑی تعداد جشن بہاراں کے سلسلے میں 'نوروز' کا تہوار منانے کے لیے موجود تھی۔ انہوں نے بتایا کہ اس سیاحتی عل

گولان پہاڑیوں پر اسرائیلی خودمختاری تسلیم کرکے تاریخ رقم :یاہو

تل ابیب // اسرائیلی وزیر اعظم نیتن کا ٹرمپ کا شکریہ ادا کرتے ہوئے کہنا ہے کہ ’صدر ٹرمپ نے گولان ہائیٹس پر اسرائیلی خود مختاری کو تسلیم کرنے تاریخ رقم کردی‘۔ تفصیلات کے مطابق امریکی صدر ڈونلڈ ٹرمپ نے ایک مرتبہ پھر مشرق وسطیٰ میں موجود ناجائز صیہونی ریاست اسرائیل سے اپنی دوستی ثابت کرتے ہوئے شام کی گولائیٹس پر اسرائیلی قبضے کو مکمل طور پر تسلیم کرلیا ہے۔ بنجامن نیتن یاہو نے ٹویٹر پر اپنے پیغام میں کہا کہ ’رات اپنے دوست صدر ٹرمپ نے ٹیلی فونک رابطہ ہوا، اور گولان ہائیٹس سے متعلق گفتگو ہوئی، ہمیں ٹرمپ سے بہتر دوست نہیں مل سکتا۔ اسرائیلی وزیر اعظم نے سماجی رابطے کی ویب سائٹ پر ٹویٹ کرتے ہوئے کہا کہ شکریہ صدر ٹرمپ، شکریہ امریکا، صدر ٹرمپ نے گولان کی پہاڑیوں پر اسرائیل کی خودمختاری کو تسلیم کرکے تاریخ رقم کردی۔ خیال رہے کہ امریکی صدر ڈونلڈ ٹرمپ نے سماجی رابطے کی ویب سائٹ ٹویٹ

بھارت کیخلاف اور ایک پلوامہ جیسا حملہ پریشانی کھڑا کریگا

واشنگٹن//امریکہ نے پاکستان کو خبردار کرتے ہوئے کہا ہے کہ ہندوستان پر ایک اور پلوامہ جیسا حملہ ’مزید پریشانی کھڑی کرنے والا‘ ہوگا۔امریکہ نے پاکستان کو جنگجوئوں کے خلاف سخت کاروائی کرنے کے لئے کہا ہے۔ اس کے ساتھ امریکہ نے پاکستان کو خبردار کرتے ہوئے کہا ہے کہ’’ ہندوستان پر ایک اور پلوامہ جیسا حملہ ’مزید پریشانی کھڑی کرنے والا‘ ہوگا۔وائٹ ہاوس میں ایک سینئر افسر نے بدھ کو صحافیوں سے کہا، ’’ پاکستان کو جنگجوتنظیموں کے خلاف سخت اور مناسب کاروائی کرنے کی ضرورت ہے۔ علاقہ میں دوبارہ کشیدگی پیدا نہ ہو اس کے لئے خاص طور پر جیش محمد اور لشکر طیبہ کے خلاف کارروائی کی ضرورت ہے‘۔نام نہ شائع کرنے کی شرط پر افسر نے کہا، ’’ اگر پاکستان جنگجوئوں پر کاروائی نہیں کرتا ہے اور ہندوستان پر ایک اور حملہ ہوتا ہے تو یہ پاکستان کے لئے ایک بڑی پریشا

بھارت کے الیکشن تک خطرہ : عمران خان

 اسلام آباد//پاکستانی وزیراعظم عمران خان نے کہا ہے کہ بھارتی وزیراعظم نریندر مودی کی الیکشن میں ریٹنگ نیچے جارہی ہے اس لیے ہمیں زیادہ تیار رہنا ہوگا۔اسلام آبادمیں اخبارات کے ایڈیٹرز اور مالکان سے ملاقات میں گفتگو کرتے ہوئے عمران خان نے کہا کہ بھارت میں الیکشن مہم پاکستان کی نفرت کی بنیاد پر ہورہی ہے،ہم بھارت کے حوالے سے ہونے والی کسی بھی مہم جوئی کا جواب دینے کے لیے پوری طرح تیار ہیں تاہم انتخابات تک خطرہ ہے اس لیے زیادہ تیار رہنا ہے۔ وزیراعظم نے دوٹوک جواب دیتے ہوئے کہا کہ کالعدم تنظیموں کو کسی صورت برادشت نہیں کیا جائے گا، ماضی میں کالعدم تنظیموں کے حوالے سے بڑی غلطی ہوئی اب عالمی برادری ہم پر انگلیاں اٹھاتی ہے،کوئی بھی ملک مسلح جتھوں کو رکھنے کی اجازت نہیں دیتا ہم بھی مسلح ملیشیا کے وجود کو برادشت نہیں کریں گے۔  

سفید فام قوم پرستی پوری دنیا کا مسئلہ ہے:وزیراعظم نیوزی لینڈ

ویلنگٹن: // نیوزی لینڈ کی وزیراعظم جیسنڈا آرڈرن نے کہا ہے کہ سفید فام قوم پرستی پوری دنیا کو درپیش بڑا مسئلہ ہے. ان خیالات کا اظہار انھوں نے برطانوی خبر رساں ادارے کو انٹرویو دیتے ہوئے کیا. ان کا مزید کہنا تھا کہ ملک میں فوجی ساختہ نیم خودکار اسلحے کی دستیابی نیوزی لینڈ کے لیے ایک چیلنج ہے۔  نیوزی لینڈ کی وزیر اعطم نے اپنے اس خصوصی انٹرویو میں کہا کہ بے شک حملہ ایک آسٹریلوی شہری نے کیا، لیکن اس سے یہ مراد نہیں کہ یہ مسئلہ ہمارے یہاں نہیں پایا جاتا۔ عالمی سطح پر سفید فام قوم پرستوں کی موجودگی بڑھی ہے۔اس دوران گزشتہ ہفتہ نمازجمعہ کے دوران دہشت گردی کا شکار ہونے والے افراد کی یاد میں جمعہ کے روز سرکاری ٹی وی اور ریڈیو سے اذان نشر کی جائے گی۔ یہ اعلان نیوزی لینڈ کی وزیراعظم جیسنڈا آرڈن نے کیا ہے  ‘نیوزی لینڈ ہیرالڈ’ کی رپورٹ کے مطابق کرائسٹ چرچ میں پریس کانفرنس کرت

اسرائیلی فوج کی جارحیت میں 3 فلسطینی نوجوان جاں بحق

راملہ//فلسطین کے علاقے مغربی کنارے میں اسرائیلی فوج نے فائرنگ کر کے 3 فلسطینی نوجوانوں کو جاں بحق کردیا۔ خبر رساں ادارے کے مطابق اسرائیلی فوج نے مغربی کنارے کے شہر نابلس میں دو یہودیوں کے قتل کے بعد سرچ آپریشن کے دوران 16 سالہ فلسطینی نوجوان عمر کو جاں بحق کردیا، جس پر فلسطینیوں نے شدید احتجاج کیا، اسرائیلی فوج نے مظاہرین پر فائرنگ کرکے مزید 2 فلسطینیوں کو جاں بحق کردیا۔ فلسطین کی وزارت صحت نے تین فلسطینی نوجوانوں کی ہلاکت کی تصدیق کرتے ہوئے بتایا ہے کہ عمر نامی 16 سالہ نوجوان کو گرفتاری میں مزاحمت کرنے پر فائرنگ کرکے جاں بحق کیا گیا جب دیگر 2 فلسطینی نوجوان، عمر کی شہادت پر احتجاجی مظاہرے میں شامل تھے۔ دوسری جانب اسرائیلی فوج کی جانب سے جاری بیان میں کہا گیا ہے کہ عمر نامی نوجوان نابلس میں یہودی ربی کو قتل کرنے والی ٹیم میں شامل تھا جو بارودی مواد کے ساتھ فرار ہوکر ایک گاوں میں چھپ گ

انڈونیشیا :سیلاب نے تباہی مچادی، ہلاکتوں کی تعداد 88 ہوگئی

جکارتہ//  انڈونیشیا میں سیلاب نے تباہی مچادی، نظام زندگی درہم برہم ہوگیا جبکہ ہلاکتوں کی تعداد 88 تک پہنچ گئی۔ تفصیلات کے مطابق انڈونیشیا کے صوبے پاپوا میں سیلاب نے نظام زندگی مفلوج کردیا، درجنوں افراد اب بھی لاپتہ ہیں جن کی تلاش جاری ہے۔ خبر رساں ادارے کا کہنا ہے کہ پاپوا کے کئی علاقے زیرآب ہیں، جبکہ ریسکیو عملے کی جانب سے امدادی کارروائیاں بھی جاری ہیں، حکام نے مزید ہلاکتوں کا خدشہ ظاہر کیا ہے۔ انڈونیشیا کے متاثرہ علاقوں میں پندہ دن کے لیے ایمرجنسی نافذ کردی گئی، جبکہ تقریباً چھ ہزار آٹھ سو افراد کو عارضی کیمپوں میں منتقل کر دیا گیا ہے۔ انڈونیشیا میں بارشوں کے موسمی طوفانوں کے باعث مٹی کے تودے گرنے اور سیلاب آنے کے واقعات کثرت سے پیش آتے ہیں، قبل ازیں متعدد واقعات میں سینکڑوں شہری مارے جاچکے ہیں۔ 17000 جزیروں پر مشتمل ملک انڈونیشیا جہاں لاکھوں افراد ان پہاڑی سلسلوں کے قریب ر

میڈیا مجھے نیوزی لینڈ واقعے کا قصور وار ٹھہرانے پر مْصر :ٹرمپ

واشنگٹن //  امریکی صدر ٹرمپ کا کرائسٹ چرچ مسلمانوں کے قتل عام سے متعلق کہنا ہے کہ فیک میڈیا نیوزی لینڈ حملوں کا قصوروار مجھے ٹہرانے پر مْصر ہے۔ تفصیلات کے مطابق نیوزی لینڈ کے تیسرے بڑے شہر کرائسٹ چرچ میں واقع دو مساجد پر سفید فام شخص کے دہشت گردانہ حملے کو تاحال امریکی صدر ڈونلڈ ٹرمپ نے دہشت گردی نہیں کہا ہے۔ صدر ٹرمپ نے سماجی رابطے کی ویب سایٹ پر ایک روز قبل ٹوئٹ کیا تھا کہ جعلی میڈیا مساجد حملے کی ذمہ مجھ پر تھوپنے کی تگ و دو میں لگا ہوا ہے جو بہت مضحکہ خیز بات ہے لیکن یہ ثابت کرنے میں شدید مشکلات کا شکار رہے گا۔ یاد رہے کہ جہاں دنیا بھر کے عوام و حکمران مسلمانوں سے اظہار یکجہتی کی جارہی تھی وہیں ٹرمپ نے مساجد حملے کی مذمت کرنے کے بجائے ٹویٹ کیا گیا تھا جس میں کسی تعزیت یا افسوس کا اظہار کرنے کے بجائے ایک متنازع لنک شئیر کیا تھا۔ امریکی صدر ٹرمپ کے ٹویٹ پر لوگوں نے ان کو آڑے ہا

نیوزی لینڈ کی پارلیمنٹ میں قرآن پاک کی تلاوت، وزیرِاعظم کا 'السلامْ علیکم' سے خطاب کا آغاز

کرائسـٹ چرچ// نیوزی لینڈ میں پہلی مرتبہ پارلیمانی اجلاس کا آغاز قرآن پاک کی تلاوت سے ہوا جبکہ وزیراعظم جیسنڈا آرڈرن نے سلام سے خطاب کا آغاز کیا۔ نیوزی لینڈ ہیرالڈ کی رپورٹ کے مطابق پارلیمنٹ کے خصوصی اجلاس میں اسپیکر ٹریور مالارڈ کی قیادت میں منعقد خصوصی اجلاس میں تمام مذاہب کے رہنماوں نے بھی شرکت کی۔ کرائسٹ چرچ میں مساجد پر حملے کے بعد پارلیمنٹ کے خصوصی اجلاس کا آغاز قرآن پاک کی سورۃ البقرہ کی آیات 153-156 کی تلاوت سے ہوا۔ واضح رہے کہ سورۃ البقرہ کی ان آیات میں ایمان والوں کو صبر کی تلقین کی گئی ہے جبکہ اللہ کی راہ میں مارے جانے والوں کو مردہ نہ کہنے کا حکم ہے، ان آیات میں جان و مال سے آزمائے جانے کا بھی ذکر ہے۔ قرآن پاک کی تلاوت کے بعد نیوزی لینڈ کی وزیراعظم جیسنڈا آرڈرن نے اجلاس سے خطاب کا آغاز سلام سے کیا۔ انہوں نے کہا کہ آسٹریلوی دہشت گرد کو اس دہشت گردی سے بہت سی چیز

مسلمانوں کیخلاف تشدد کی وجہ اسلاموفوبیا:جسٹس ٹروڈو

ٹورنٹو//کیاڈا کے وزیر اعظم جسٹس ٹروڈو نے نیوزی لینڈ میں دہشت گردی کے واقعہ کی مذمت کرتے ہوئے کہا کہ اس قسم کے واقعات کی بڑھتی ہوئی وجہ اسلامو فوبیا ہے ۔ کینیڈین پارلیمنٹ میں بیان دیتے ہوئے ٹروڈو نے مسلم کمیونٹی سے تعزیت کا اظہار کیا اور کہا کہ دنیا بھر کے مسلمانوں کے غم میں شریک ہیں۔ انہوں نے عالمی رہنماؤں سے نفرت انگیزی کے خلاف مل کر کوششوں کا مطالبہ کیا اور کہا کہ نفرت انگیزی سے لڑنے والوں کو حکمرانوں کی حمایت حاصل نہیں جبکہ نیوزی لینڈ میں جانی نقصان کو نظر انداز نہیں کیا جاسکتا ہے ۔ جسٹس ٹروڈو نے مزید کہا کہ نیوزی لینڈ کی تاریخ کی بدترین دہشت گردی کی وجہ اسلامو فوبیا ہے ، ہم آج سے نفرت کے خلاف قدم اٹھا سکتے ہیں یہ بتانے کے لیے اب بہت ہوچکا ہے ، آج کے بعد منافرت پھیلانے اور تشدد پر اکسانے والے بچ نہیں پائیں گے ۔ان کا کہنا تھا کہ نفرت کے خلاف مسلمان، مسیحی، یہودی، گورے ، کالے سب کو

زمبابوے اور موزمبیق میں طوفان سے ہلاکتوں کی تعداد 1 ہزار ہوگئی

ہرارے/ ماپاتو//افریقی ممالک زمبابوے اور موزمبیق میں سیلاب اور سمندری طوفان سے ہلاک ہونے والوں کی تعداد ایک ہزار تک جاپہنچی ہے۔ بین الاقوامی خبر رساں ادارے کے مطابق براعظم افریقا کے ممالک زمبابوے اور موزمبیق میں سمندری طوفان ایڈائی نے بڑے پیمانے پر تباہی مچادی جس کے نتیجے میں ہلاک ہونے والوں کی مجموعی تعداد ایک ہزار ہوگئی ہے، جن میں سے 882 افراد موزمبیق اور 118 زمبابوے میں لقمہ اجل بنے۔ سمندری طوفان ایڈائی پہلے موزمبیق سے ٹکرایا اور پھر اِس کے ساتھ آنے والے تیز رفتار جھکڑوں اور شدید موسلا دھار بارش نے زمبابوے کو بھی اپنی لپیٹ میں لے لیا۔ دونوں ممالک کے ساحلی علاقے سیلابی ریلے میں ڈوب گئے جس کے باعث درجنوں گاوں تباہ اور سیکڑوں افراد لاپتہ ہوگئے۔ موزمبیق کی حکومت کا کہنا ہے کہ لاپتہ افراد کی تلاش کے ساتھ ساتھ امدادی سرگرمیاں جاری ہیں، امدادی کاموں کے دوران لاشیں ملنے کا بھی سلسلہ جاری ہے

انڈا مارنے والے نوجوان کا فنڈ کی رقم متاثرین کو دینے کا اعلان

سڈنی// آسٹریلوی سینیٹر کے سر پر انڈا مارنے والے نوجوان نے اپنے قانونی اخراجات کے لیے فنڈنگ مہم کے ہزاروں ڈالر نیوزی لینڈ میں دہشت گردی کا شکار ہونے والوں کے لواحقین کو دینے کا اعلان کردیا۔ آسٹریلیا کے مسلمان مخالف سینیٹر فریسر ایننگ کو انڈا مارنے والے نوجوان کے قانونی اخراجات پورے کرنے کے لیے کراؤڈفنڈنگ ویب سائٹ پر فنڈنگ مہم شروع کی گئی جس کے تحت 44 ہزار ڈالر سے زائد کی رقم جمع ہوئی۔ واضح رہے کہ نیوزی لینڈ کی 2 مساجد میں ہونے والے دہشت گرد حملوں میں 49 افراد کے جاں بحق ہونے کے اگلے روز آسٹریلوی سینیٹر فریسر ایننگ نے ایک بیان جاری کیا تھا جس میں انہوں نے حملے کی مذمت کرنے کے ساتھ ساری ذمہ داری نیوزی لینڈ میں آنے والے پناہ گزین مسلمانوں پر عائد کی تھی۔ اس کے ساتھ ہی انہوں نے متاثرین سے ہمدردی کرنے کے بجائے مسلمانوں کو دنیا بھر میں دہشت گردی کا ذمہ دار قرار دیا جبکہ نسل پرست سینیٹر ن

ہالینڈ کے شہر یوتریخت میں ٹرام پر فائرنگ

ایمسٹرڈیم//ہالینڈ کے شہر یوتریخت کے میئر کا کہنا ہے کہ ٹرام پر فائرنگ کے نتیجے میں 3 افراد ہلاک اور 9زخمی ہوگئے۔یوتریخت کے میئر جان وان زینن نے ٹوئٹر پرجاری ویڈیو بیان میں کہا کہ ’ اب تک ہم 3 ہلاکتوں کی تصدیق کرسکتے ہیں جبکہ 9 افراد زخمی ہوئے ہیں جن میں سے 3 کی حالت تشویشناک ہے‘۔ڈچ انسداد دہشت گردی سروس کے سربراہ کا کہنا ہے کہ ہالینڈ کے شہر یوتریخت میں ٹرام پر فائرنگ کے واقعے کے بعد شہر میں کئی مقامات پر فائرنگ ہوئی ہے۔خبررساں ادارے کے مطابق انسداد دہشت گردی چیف پیٹر جاپ آل برسبرگ نے ہیگ میں ایک نیوز کانفرنس میں بتایا کہ ’ آج صبح یوتریخت میں مختلف مقامات پر فائرنگ ہوئی ‘۔انہوں نے کہا کہ ’ مسلح شخص کی گرفتاری کے لیے پولیس آپریشن جاری ہے‘۔ڈچ قومی انسداد دہشت گردی سروس کے سرابرہ نے کہا کہ ’ این سی ٹی وی یوتریخت کی صورتحال کا جائزہ لے رہی ہے، ہم

زمبانوے اور موزمبیق میں سمندری طوفان ‘ایدائی’ سے تباہی

زمبابوے// سمندری طوفان ایدائی سے زمبابوے اور موزمبیق میں ہلاکتوں کی تعداد 120سے زیادہ ہوگئی اور اب بھی کئی افراد لاپتہ ہیں۔ افریقی ممالک زمبابوے اور موزمبیق میں سمندری طوفان ایدائی کی تباہ کاریاں جاری ہیں ، طوفان اور سیلاب سے زمبابوے میں 65 اور موزمبیق میں 62 افراد ہلاک ہوئے جبکہ متعدد افراد لاپتہ ہیں۔ متاثرہ علاقوں میں سیلابی ریلوں سے کئی مکانات اور پل بہہ گئے ۔ سمندری طوفان ایدائی جمعہ اور ہفتہ کو زمبابوے اور موزمبیق سے ٹکرایا تھا۔ دونوں ممالک میں ریسکیو ٹیمیں بچاؤ کام جاری رکھے ہوئی ہیں۔ بارش کی وجہ سے راحت رسانی کے کاموں میں ریسکیو ٹیموں کے عملہ کو پریشانیوں کا سامنا ہے ۔    

ہم تمہارے ساتھ ہیں:وزیر اعظم نیوزی لینڈ

ویلنگٹن//نیوزی لینڈ کی وزیراعظم جیسنڈا آرڈرن نے کرائسٹ چرچ حملہ میں جاں بحق افراد کی یاد میں تعزیتی بک میں تاثرات درج کئے ۔ انہو ں نے لکھا- ‘‘ہم ایک ہیں۔ یہ ہمارا مشترکہ دکھ ہے ’’۔تعزیتی کتاب میں دستخط کے موقع پر گورنر جنرل بھی ان کے ہمراہ تھیں۔ انہوں نے اپنے تاثرات قلمبند کرتے ہوئے لکھا کہ ہمارے دل اور ہمارے احساسات کرائسٹ چرچ کے غمزدہ خاندانوں، تمہارے ساتھ ہیں۔ دوسری جانب حملہ کا نشانہ بننے والی مساجد کے قریب پھول رکھنے کا سلسلہ جاری ہے ، پھول رکھنے والوں میں ہر مذہب اور قوم کے افراد شامل ہیں۔ ادھر یونانی حکام کا کہنا ہے کہ حملہ آور برینٹن ٹیرینٹ مارچ 2016 میں یونان آیا اور یہاں کچھ روز قیام کیا تھا۔ آسٹریلوی پولیس نے نیو ساؤتھ ویلز میں 2 گھروں پر چھاپے مارے جن کا ماضی میں برینٹن ٹیرینٹ سے تعلق تھا۔دریں اثنالندن سے ملنے والی اطلاعات کے مطابق نسلی و مذہبی ت

انڈونیشیا میں سیلاب اور مٹی کے تودے

جکارتہ//انڈونیشیا کے مشرقی علاقہ کے پاپوا صوبے میں سیلاب اور مٹی کے تودے گرنے کے واقعات میں مرنے والوں کی تعداد بڑھ کر 77 ہو گئی ہے ۔ ان حادثوں میں 116 زخمی بھی ہوئے ہیں۔ مقامی حکام نے پیر کے روز بتایا کہ راحت رسانی اور امدادی کام کئے جا رہے ہیں۔ خبر رساں ایجنسی ژنہوا کی رپورٹ کے مطابق ضلع جیا پور میں راحت رسانی اور رسکیوکے دفتر کے ترجمان یودي یورتو نے کہا کہ ہفتہ کے روز متعدد دیہاتوں میں قدرتی آفت آنے کے بعد 41 افراد شدید زخمی ہوگئے اور 75 دیگر لوگوں کو معمولی چوٹیں آئیں۔ مسٹر یودي نے کہا کہ مرنے والوں کی تعداد بڑھ سکتی ہے ۔ انہوں نے کہا کہ امدادی مہم میں بھاری مشینیں اور آلات کے ساتھ فوجیوں اور رضاکاروں کو شامل کیا جا رہا ہے ۔ ایجنسی کے مطابق چار ہزار سے زیادہ لوگوں کو مجبورا اپنا گھر چھوڑنا پڑا اور ان کو محفوظ مقامات پر منتقل کر دیا گیا۔ انڈونیشیا میں شدید بارش کے دوران سیلاب اور مٹ

نیوزی لینڈ حملہ: فائرنگ کے وقت پولیس کہاں تھی؟ اسلحہ کہاں سے آیا، کئی سوالات اٹھ گئے

کرائسٹ چرچ //  دہشت گرد نے مسجد میں تسلی سے کارروائی کی، پولیس اسٹیشن قریب ہونے کے باوجود پولیس کہاں غائب تھی، حملیکی 18 سے 20 منٹ لائیو فیس بک ویڈیو چلائی، اتنا اسلحہ کہاں سے آیا؟واقعے پر کئی سوالات نے جنم لے لیا۔ نیوزی لینڈ کی مساجد میں مسلمانوں کا قتل عام کا سانحہ پیچھیکئی سوالات چھوڑ گیا، حملہ آور اٹھارہ سے بیس منٹ تک لوگوں گولیاں برساتا ایک سے دوسری مسجد تک گیا کسی نے روکا کیوں نہیں؟ دونوں مسجدوں کے راستے میں پولیس اسٹیشن بھی تھا، پرامن ملک کے چھوٹے سے شہر میں ایک مسلح شخص بیس منٹ تک خون کی ہولی کھیلتا رہا لیکن اسے کوئی روکنے والا نہیں تھا۔ حملہ آور النور مسجد میں خون بہا کر گاڑی سے گیارہ منٹ کا سفر طے کرکے دوسری مسجد تک گیا اور وہاں بھی گولیاں برسائیں اس وقت پولیس کہاں تھی؟ دونوں مسجدوں کے بیچ میں ہی شہر کا مرکزی پولیس اسٹیشن قائم ہے، عینی شاہدین نے بتایا ہیکہ پولیس کو کا

نیوزی لینڈ کی وزیراعظم نے سیاہ لباس پہن کر مسلم کمیونٹی سے کیا اظہار تعزیت

کرائسٹ چرچ// نیوزی لینڈ کی وزیر اعظم جیسنڈا آرڈرن نے کرائسٹ چرچ میں جمعہ کے روز دو مسجدوں میں ہوئے دہشت گردانہ حملہ پر اظہار تعزیت کے لئے ہفتہ کے روز مسلم برادری کے لوگوں سے ملاقات کی۔ اس دوران انہوں نے سیاہ لباس زیب تن کر رکھا تھا اور سر پر دوپٹہ اوڑھے ہوئے تھیں۔ وزیراعظم جیسنڈا نے حملے میں زخمی ہونے والے افراد کی عیادت کے لئے اسپتال کا دورہ بھی کیا جہاں انہوں نے مسلمانوں سے ملاقات کی اور مسلم خواتین کو گلے لگا کرانہیں تسلی دی۔ حملہ کی شدید مذمت کرتے ہوئے وزیراعظم نے میڈیا سے بات چیت میں کہا کہ کرائسٹ چرچ کا واقعہ نیوزی لینڈ کی عکاسی نہیں کرتا تاہم مذہبی اور ثقافتی آزادی ہر صورت ممکن بنائی جائے گی۔ انہوں نے کہا کہ ہماری پہلی ترجیح جاں بحق ہونے والے افراد کی شناخت کرنا تھی۔   

تازہ ترین